“FARGʻONAAZOT” AJ AKSIYADORLARI DIQQATIGA!
“Fargʻonaazot” AJ aksiyadorlarining yillik
umumiy yig‘ilishi o‘tkazilishi to‘g‘risida
X A B A R N O M A
“Fargʻonaazot” AJ Kuzatuv kengashi majlisining 2025-yil 30-iyundagi 31-son qaroriga asosan jamiyat aksiyadorlarining yillik umumiy yig‘ilishi 2025-yil 31-iyul kuni soat 11:00 da, Farg‘ona shahar, Sanoat ko‘chasi, 222-uy manzilda joylashgan “Fargʻonaazot” AJning majlislar zalida o‘tkaziladi.
Yillik umumiy yig‘ilishda qatnashish huquqiga ega aksiyadorlar ro‘yxati 2025-yil
25-iyul holatiga shakllantirilgan aksiyadorlar reestriga asosan tuziladi.
Aksiyadorlarning yillik umumiy yig‘ilish qatnashchilarini ro‘yxatga olish 2025-yil
31-iyul kuni soat soat 10:00 da boshlanib, soat 11:00 gacha davom etadi.
Umumiy yig‘ilish kun tartibi:
- Sanoq komissiyasi aʼzolari soni va shaxsiy tarkibini tasdiqlash.
- Aksiyadorlarning yillik umumiy yig‘ilishi reglamentini tasdiqlash.
- Jamiyat boshqaruvining 2024-yil moliyaviy-xo‘jalik faoliyati yakunlari, biznes-reja ko‘rsatkichlarining bajarilishi hamda jamiyatni rivojlantirish strategiyasiga erishish bo‘yicha ko‘rilayotgan chora-tadbirlar to‘g‘risidagi hisobotini tinglash.
- Jamiyatning bosh moliyaviy direktorining 2024-yil moliya-xo‘jalik faoliyatini tekshirish yakunlari va jamiyatda affillangan shaxslar bilan tuzilgan bitimlar yoki yirik bitimlar mavjudligi, shuningdek, qonun hujjatlarining va jamiyat ichki hujjatlarining bunday bitimlarni tuzishga doir talablariga rioya qilinishi to‘g‘risidagi hisobotini tinglash.
- 5. Jamiyat Kuzatuv kengashining 2024-yil faoliyati yakuni bo‘yicha hisobotini tinglash.
- 6. Jamiyatning yil yakuni bo‘yicha moliya-xo‘jalik faoliyatini tekshirish natijalari yuzasidan auditorlik tashkilotining xulosasini ko‘rib chiqish.
- 7. Jamiyatda 2024-yil yakunlari bo‘yicha o‘tkazilgan korporativ boshqaruv tizimini mustaqil baholash natijalarini ko‘rib chiqish.
- 8. Jamiyatning yillik hisobotini tasdiqlash.
- 9. Jamiyatning 2024-yil yakuni bo‘yicha olingan sof foydasini taqsimlash, dividend miqdori, uni to‘lash shakli va tartibini belgilash.
- Jamiyatning affillangan shaxslari bilan kelgusida jamiyat tomonidan kundalik xo‘jalik faoliyati jarayonida aksiyadorlarning keyingi yillik umumiy yig‘ilishigacha bo‘lgan davrda tuzilishi mumkin bo‘lgan bitimlarni maʼqullash.
Jamiyat aksiyadorlarining yillik umumiy yig‘ilishini o‘tkazishga tayyorgarlik ko‘rilayotganda aksiyadorlarga taqdim etiladigan axborot (ma’lumot)lar bilan “Fargʻonaazot” AJning (99873) 242-64-00 telefon raqamiga murojaat qilish orqali tanishishingiz mumkin.
Aksiyadorlar shaxsini tasdiqlovchi hujjat bilan, aksiyadorlar vakillari esa – O‘zbekiston Respublikasi qonunchiligi talablariga muvofiq rasmiylashtirilgan ishonchnoma bilan qatnashishlarini so‘raymiz.