Фарғона вилоятида Ёшлар ишлари агентлиги Фарғона вилояти бошқармаси томонидан “Интеллектуал хафталик” бўлиб ўтди. Беллашувда корхонамиз Аммиак-3 цехи инвестицион лойиҳалар бўйича муҳандиси
Нуриддин Аминов иштирок этиб, фаҳрли иккинчи ўринни эгаллади.  

          Нуриддин шахмат спорт турига 6 ёшидан қизиқиб келади. Корхонамизда ўтказиладиган хар йилги спартакиадаларда мунтазам равишда қатнашиб, бир неча бор ғалабани қўлга киритган. Жумладан, 2010, 2011, 2012 йилларда корхонамизда бўлиб ўтган спорт мусобақаларида шахмат бўйича биринчи ўринларни эгаллаб, Республика босқичларда иштирок этган.      

          Жорий йилнинг 13 апрел куни вилоят кутубхона марказида Ёшлар ишлари агентлиги Фарғона вилояти бошқармаси томонидан “интеллектуал хафталик” доирасидаги “Шахмат” баҳслари ташкил этилди. Беллашувда Нуриддин Аминов 2-ўринни эгаллаб, диплом ҳамда қимматбаҳо совғалар билан тақдирланди.