Хабарингиз бор, яқинда миллий масс-медиани қўллаб-қувватлаш ва ривожлантириш жамоат фонди ҳамда «Заковат» интеллектуал клуби томонидан Тошкент шаҳри ва вилояти жамоалари ўртасида «Брейн-ринг» ўйинлари ўтказилди. Куни-кеча корхонамизда ҳам Ёшлар иттифоқи кенгаши ташаббуси билан Заковат ўйини ташкил этилди. Мажлислар залида Заковат ўйинининг биринчи саралаш босқичи бўлиб ўтди. Дастлаб, корхонамизнинг ишлаб чиқариш цех, бўлим ва бошқармаларидан ёшлардан ташкил топган 11 та жамоа беллашдилар.

Интеллектуал ўйинда Фарғона вилояти Заковат интелектуал клуби раҳбари Шерозбек Эралиев ва Ёшлар агентлиги Фарғона вилоят бошқармаси мутахассиси Мухиддин Абдурахмоновлар иштиок этди. Меҳмонлар ўйин шартларини иштирокчиларга айтиб ўтдилар ва ўйин шаффофлигини таъминлаш мақсадида ўзлари билан олиб келган саволлар конвертини иштирокчилар олдида очиб кўрсатдилар. Ўйин шартларига кўра, турнир 2 босқичдан ташкил топган. Биринчи босқичда жамоалар 12 та саволга жавоб берганларидан сўнг 10 дақиқа танаффусдан сўнг, яна 12 та саволга жавоб бердилар. Иккинчи босқичда энг кўп балл тўплаган 4 та жамоа финал босқичига йўл олдилар. Биринчи босқичда, куннинг биринчи ярмида “Ёш кимёгарлар”, “Энергетиклар”, “Булутлар”, “Хисобчилар”, “Тадқиқодчилар”, “Қутқарувчилар”, “Зукколар”, “Локомативлар”, “Алгоритм”, “Баҳор”, “Иқтисодчилар” жамоалари иштирок этиб, улардан “Алгоритм”,  “Иқтисодчилар”,  “Энергетиклар” жамоалари 11 балл билан, “Хисобчилар” жамоаси 10 балл билан финал босқичига йўл олдилар.

Куннинг иккинчи ярмида, “Алимп”, “Муҳофаза”, “Юксалиш”, “Етакчи”, “Эверест”, “Менделеевчилар”, “Лочин”, “Олғирлар”, “Легион”, “Келажак” ва  “Хумо” жамоалари иштирок этиб, улардан “Эверест” жамоаси 8 балл билан, “Менделеевчилар” ва “Алимп” жамоалари 7 балл билан, “Етакчи” жамоаси эса 6 балл билан финалга чиқдилар.