“Farg’onaazot” акциядорлик жамиятида Ўзбекистон Халқ демократик партияси Фарғона шаҳар Кенгаши билан ҳамкорликда “Ёшларга кўмак”  лойиҳаси доирасида депутат ва ёшлар учрашуви ташкил этилди.

   Учрашув давомида Халқ демократик партияси депутатлари ва корхонанинг фаол ёшлари “Илмий инновацион марказ” фаолияти билан танишиб чиқдилар. Инновацион марказда янги маҳсулотлар борасида докторлик диссертациясини ёқлаётган ёш олимлар билан суҳбат қурдилар. Сўнгра, учрашувнинг дастурига кўра  “Farg’onaazot” акциядорлик жамияти мажлислар залида ошкоралик замирида  ёшлар билан, очиқ мулоқот бўлиб ўтди. Очиқ мулоқотда “Farg’onaazot” акциядорлик жамияти бошқарув раиси Абдупатто Салижанов ўз нутқида корхонада ёшларга яратилаётган шароитлар ва кўмаклар, корхонанинг жорий йил бўйича иш режалари билан таништириб ўтди. Тадбир сўнгида ёшлар ўзларини қизиқтирган саволлар ва таклифлари билан депутутларга юзландилар. Ёшлар орасидан энг яхши савол эгаларига Ёшлар иттифоқи “Farg’onaazot” АЖ Бошланғич ташкилоти Кенгаши томонидан ибратли китоблар билан тақдирландилар.

“Farg’onaazot” АЖ,

матбуот хизмати.