11-noyabr — Kasaba uyushmalari kuni hamda bu yil kasaba uyushmalarining tashkil topganiga 120 yil to‘lishi munosabati bilan korxonamizda xotin-qizlar o‘rtasida shashka sport turi bo‘yicha musobaqa o‘tkazildi.

O‘tkazilgan musobaqaning ko‘zlangan maqsadi — xodimlar o‘rtasida sog‘lom turmush tarzini targ‘ib etish, ayollar faolligini oshirish, jamoaviy ruh va korporativ birdamlikni mustahkamlashdan iborat bo‘ldi.

Musobaqada korxonaning turli tarkibiy bo‘linmalarida faoliyat yuritayotgan xotin-qizlar faol ishtirok etdi. Qizg‘in kechgan intellektual bahslar davomida ishtirokchilar o‘zining analitik tafakkuri, strategik fikrlash qobiliyati hamda diqqat-e’tiborini boshqarish ko‘nikmalarini namoyon etdi.

Bellashuv natijalari quyidagicha taqsimlandi:

1-o‘rin – Havo ajratish sexi laboratoriya ustasi Turdimatova Zilola

2-o‘rin – XMD sexi apparatchisi Omonova Odinaxon

3-o‘rin – XMD sexi ishchisi Arakulova Hayotxon

Barcha sovrindorlarni g‘alaba bilan tabriklaymiz, mehnatda yangidan yangi yutuq va omadlar tilab qolamiz!

Eslatib o‘tamiz, barcha tanlovlar g‘oliblarini taqdirlash marosimi yaqin kunlarda bo‘lib o‘tadi. 

 “Farg‘onaazot” AJ matbuot xizmati