Korxonaning sex va boshqarmalarida O‘zbekiston Respublikasi Prezidentining 2021- yil 6- iyul kunidagi PQ- 5177-son “Korrupsiyaga qarshi kurashish faliyatini samarali tashkil etishga doir qo‘shimcha chora-tadbirlar to‘g‘risida”gi Qarorini 11-bandi ijrosini taminlash, “halollik vaksinasi” tamoyili asosida xodimlarda, shuningdek, yoshlarda, korrupsiyaga qarshi kurashish yunalishi bo‘yicha profilaktik ta’sir choralari o‘tkazish, manfaatlar to‘qnashuvi va odob-axloq qoidalari bo‘yicha bir qator tadbirlar o‘tkazilib kelinmoqda.

     Mazkur tadbirlar jamiyat Komplayens xizmati tomonidan tashkil etilgan bo‘lib, unda Kasaba uyushmasi qo‘mitasi, Тartib-maxfiy boshqarmasi, Idoraviy harbiylashgan qo‘riqlash xizmati hamda Ishlab chiqarish texnik boshqarmasi rahbarlari ishtirok etishdi.

    Ma’ruzachilar mavzuga oid, ya’ni, korrupsiyaga qarshi kurash borasidagi qaror va farmonlar, mehnat intizomi va ichki tartib-qoidalariga rioya qilish, Odob-axloq kodeksi, ma’naviy-ma’rifiy soha, ijtimoiy himoya to‘g‘risida so‘z yuritdilar.

    Shuningdek, soha mutaxassislari tomonidan huquqiy savodxonlikning dolzarb masalalariga, jumladan, manfaatlar to‘qnashuvi haqida tushuntirishlar olib borildi.

“Farg‘onaazot” matbuot xizmati