Жорий йилнинг 16 март куни “Farg'onaazot” акциядорлик жамиятида  “Заковат” интеллектуал ўйинига старт берилган эди. Бугун корхонанинг мажлислар залида ўйиннинг қолган 11 нафар жамоасининг биринчи саралаш босқичи ҳамда ғолиб бўлган жамоаларнинг финал босқичи бўлиб ўтди.

     Дастлаб иштирок этган 11 нафар жамоа беллашдилар. Беллашувда финал босқичига “Ёшлар”, “Бирдамлик”, “Жўшқинлик” ва “Йўлбарслар” жамоалари йўл олдилар.

    Куннинг иккинчи ярмида, финал босқичи бўлиб ўтди. Унда саралаш босқичлари ғолиблари 12 та жамоа “Энергетиклар”, “Хисобчилар”, , “Иқтисодчилар”, “Алимп”, “Етакчи”, “Эверест”, “Менделеевчилар”, “Ёшлар”, “Бирдамлик”, “Жўшқинлик”, “Йўлбарслар” жамоалари беллашдилар. Беллашув натижаларига кўра “Алгоритм”, “Етакчи”, “Эверест”,  “Менделеевчилар”, “Энергетиклар”, “Иқтисодчилар”  ўзларининг юқори баллари билан бошқа жамоаларни енгиб ўтдилар. Ўйин шартларига кўра финалга чиқган жамоалар ҳам бир бирлари билан беллашдилар. Натижада 3 та жамоа яъни, “Эверест”, “Алгоритм” ва “Менделеевчилар” жамоалари юқори балларни эгалладилар.

     Ўйин натижаларига кўра фаҳрли биринчи ўринни “Менделеевчилар” (Ишлаб чиқаришни мувофиқлаштириш бўлими), иккинчи ўринни “Алгоритм” (ТЖА БТ ва Метрология бошқармаси) жамоаси ва учинчи ўринни “Эверест” (Аммиак-3 цехи) жамоалари эгалладилар. Фахрий ўринларни эгаллаган жамоалар корхонамиз раҳбарияти, ёшлар Кенгаши ҳамда касаба уюшмаси томонидан пул маблағлари билан тақдирлаш белгиланган. Кўрик-танлов якунида бошқарув раиси Абдуппато Салижанов ғолиб жамоаларга пул мукофотларни хамда дипломларни топширди ва иштирокчи жамоаларига Заковат интеллектуал ўйинида фаол қатнашганликлари учун ўз минатдорчилигини билдирди.